Vendim për reduktim të stafit në përputhje me rekomandimin e Qeverisë së Kosovës
Ferizaj,
-
14:42
Data: 14.03.2020
Për: Punëtorët e KRU Bifurkacioni Sha Ferizaj
Cc: Menaxherët e departamenteve dhe përgjegjësit e NjO-Kaçanik dhe ZSH-Hani i Elezit
Nga: Xhabir Morina, Kryeshef Ekzekutiv
Lënda: Vendim
Duke u bazuar në Vendimin e Qeverisë së Republikës së Kosovës Nr. 01/09, Pika 9, të datës 13.03.2020, për marrjen e masave shtesë pas konfirmimit të rasteve pozitive me Corona Virus COVID-19, Kryeshefi Ekzekutiv i KRU Bifurkacioni ShA, në mbledhjen e jashtëzakonshme me stafin menaxhues të kompanisë, të mbajtur më 14.03.2020, nxjerr këtë:
V E N D I M
Reduktohet stafi dhe veprimet esenciale në të gjitha departamentet e kompanisë, në Fabrikën e Prodhimit dhe Përpunimit të Ujit në Pleshinë, në Njësinë Operative në Kaçanik dhe në Zyrën e Shërbimeve në Hanin e Elezit, por duke mos rrezikuar për asnjë moment kryerjen e funksioneve themelore të kompanisë, në shërbim të konsumatorëve-qytetarëve.
A r s y e t i m
Duke pasur parasysh situatën e krijuar lidhur me pëprhapjen e Corona Virus COVID-19 dhe Vendimin e lartëpërmendur të Qeverisë së Republikës së Kosovës, për marrjen e masave shtesë pas konfirmimit të rasteve pozitive të këtij virusi, Kryeshefi Ekzekutiv thirri një mbledhje të jashtëzakonshme me stafin menaxhues të kompanisë, më 14.03.2020 në ora 15.00.
Në mbledhje u shqyrtua situate e krijuar, konform vendimit të qeverisë dhe në fund u mor vendim për masat përkatëse brenda kompanisë, si në dispozitiv të këtij vendimi.
Vendimi është në funksion të mbrojtjes së shëndetit publik të punëtorëve të KRU-Bifurkacioni.
Kryeshefi Ekzekutiv
_______________
Xhabir Morina
Masat për reduktim të stafit