KONKURS
Ferizaj,
-
08:09
Për vendet e lira të punës:
1. Zyrtar i SIGJ (Sistemi i Informacionit Gjeografik) – GIS (Geogrphic Information System) (1),
2. Zyrtar i Informimit - Zëdhënës (1),
3. Zyrtar i Faturimit (1),
4. Elektricist i Sektorit të Zonave Rurale (1).
Duke u bazuar në Ligjin e Punës Nr. 03/L-212, Neni 8.1, Udhëzimin Administrativ të Ministrisë së Punës dhe Mirëqenies Sociale Nr. 07/2017 dhe Rregulloren mbi Sistematizimin e Punëve dhe Detyrave të Punës të KRU Bifurkacioni ShA Nr.775 të datës 24.12.2007, Kryeshefi Ekzekutiv i KRU Bifurkacioni ShA Ferizaj, shpallë:
K O N K U R S
Për vendet e lira të punës në KRU Bifurkacioni - Ferizaj:
- Zyrtar i SIGJ (Sistemi i Informacionit Gjeografik) – GIS (Geogrphic Information System) (1),
- Zyrtar i Informimit - Zëdhënës (1),
- Zyrtar i Faturimit (1),
- Elektricist i Sektorit të Zonave Rurale (1).
Kushtet:
Për vendin e punës në nr. rendor 1
-Përgatitja shkollore: Fakulteti,
-Përvoja e punës, e dëshirueshme .
Për vendet e punës në nr. rendor 2, 3 dhe 4
-Përgatitja shkollore: Shkolla e Mesme,
-Përvoja e punës, e dëshirueshme.
Përgatitja profesionale, detyrat dhe përgjegjësitë e punës:
- Zyrtar i SIGJ-GIS:
- Përvojë në programin SIGJ-GIS dhe shkathtësi në hartografi,
- Përvojë në hartimin dhe administrimin e bazës së të dënave operative-gjeografike nga terreni,
- Shkathtësi kompjuterike në aplikacionet Word, Excel dhe programet tjera të Microsoft Office,
- Zhvillon, prodhon, azhurnon dhe mirëmban hartat të sakta dixhitale, me të dhëna operative-gjeografike,
- Harton, kodon dhe konverton të dhënat ekzistuese nga burime të ndryshme,
- Zhvillon dhe redakton elementet dhe simbolet e legjendës gjeografike,
- Përgjegjës i mirëmbajtjes, ruajtjes dhe menaxhimit të burimeve të të dhënave,
- Përgjegjës i zhvillimit dhe zbatimit të procedurave e standardeve të dokumentimit të të dhënave,
- Aftësi për të punuar në mënyrë të pavarur dhe si pjesë e ekipit,
- Kryen edhe punë tjera, me kërkesën e përgjegjësit të tij, të cilit i përgjigjet për punën e vet.
II. Zyrtar i Informimit:
- Shkathtësi, hulumtuese, analitike dhe vlerësuese të informacionit,
- Shkathtësi kompjeterike në aplikacionet e programeve Word, Excel dhe Power Point,
- Krijon strategjinë e marrëdhënieve me publikun dhe kujdeset për organizimin e konferencave për shtyp dhe paraqitjeve tjera publike,
- Monitoron mediat e shkruara dhe ato elektronika dhe përgatitë përmbledhje të informatave për menaxhmentin,
- Mban kontakte me mediat e shkruara dhe ato elektronike dhe ju përgjigjet në bazë të kërkesave të tyre, gjithmonë në koordinim dhe me miratimin e Kryeshefit Ekzekutiv,
- Përgatitë njoftimet, informatat, komunikatat, raportet, publikimet etj., për publikun, në koordinim dhe me miratimin e Kryeshefit Ekzekutiv dhe pastaj i vendosë në veb faqen e kompanisë dhe jua shpërndan mediave,
- Furnizon, pasuron, rifreskon dhe e mirëmban veb faqen dhe rrjetet sociale të kompanisë me materiale dhe aktivitete të ndryshme të kompanisë,
- Aftësi për përmbushjen e detyrave dhe punëve nën presion,
- Kryen edhe punë të tjera, me kërkesën e Kryeshefit Ekzekutiv, të cilit i përgjigjet për punën e të tij.
III. Zyrtar i Faturimit:
- Operon me modulin e faturimit,
- Evidenton, mirëmban dhe përditëson të gjitha të dhënat e shërbimeve të faturimit të kompanmisë,
- Regjistron dhe përditëson konsumatorët e regjistruar,
- Faturon shërbimet e rregullta dhe shërbimet e tjera,
- Harton kontrata të shërbimeve dhe të riprogamimeve,
- Verifikon faturimin para mbylljes së muajit, mbyllë-poston faturimin mujor dhe hapë ciklin e ri mujor,
- Përgatitë plane të leximit dhe listën e ujëmatësve (UM) mekanik dhe elektronik për lexim, në bashkëpunim me përgjegjësit e arkëtuesve dhe lexuesve të UM,
- Përgatitë raporte të rregullta mujore, tre mujore, gjashtë mujoredhe vjetore të punës,
- Është përgjegjës për mirëmbajtjen dhe mbarëvajtjen e sistemit të faturimit,
- Aftësi për të punuar në mënyrë të pavarur dhe si pjesë e ekipit,
- Kryen edhe punë të tjera, me kërkesën e përgjegjësit të tij, të cilit i përgjigjet për punën e të tij.
IV. Elektricist i Sektorit të Cilësisë së Ujit-Njësia e Zonave Rurale:
- Kontrollon rregullisht punën e pompave zhytëse dhe shtytëse dhe matë tensionin e rrymës në stacionet e pompimit të ujësjellësve,
- Rregullon dhe mirëmban pajisjet elektrike të stacioneve të pompmit të ujësjellësve (soft strarterë, frekuentorë dhe tabelat komanduese),
- Kontrollon, mirëmban dhe pastron elektromotorët,
- Kontrollon dhe mirëmban pjesët elektrike dhe ndriçimin elektrik të stacioneve të pompimit të ujësjellësve,
- Kontrollon dhe mirëmban aparaturat e klorifikimit të stacioneve të pompimit të ujësjallësve,
- Mban ditarin e rregullt të punës, duke shënuar problematikat e shfaqura në stacionet pompimit të ujësjellësve,
- Është përgjegjës për ruajtjen e objekteve të stacioneve të pompimit të ujësjellësve dhe rrethojave të tyre,
- Aftësi për të punuar në mënyrë të pavarur dhe si pjesë e ekipit,
- Kryen edhe punë të tjera, me kërkesën e përgjegjësit të tij, të cilit i përgjigjet për punën e të tij.
Dokumentet e nevojshme:
-Aplikacioni për punësim – Kërkesa,
-Diploma e përgatitjes shkollore,
-Ekstrakti i lindjes, jo më i vjetër se 6 muaj,
-Leternjoftimi fotokopje,
-Vërtetimi se nuk ushtrohet procedurë hetimore nga Gjykata, jo më i vjeter se 6 muaj.
Aplikacioni për punësim merret në Departamentin e Administratës dhe Burimeve Njerëzore, zyra nr. 1 - KRU Bifurkacioni, ku edhe bëhet dorëzimi i aplikacionit së bashku me dokumentacionin e kërkuar, në zarf-pliko të mbyllur. Afati i konkursit për aplikim është i hapur 15 ditë, nga dita e publikimit në web-faqen e kompanisë dhe në shjtypin ditor, duke filluar nga data 26.09.2019 e deri më 10.10.2019, prej orës 9.00 h deri në ora 15.00 h. Telefoni për kontakt 0290 320 – 650.
Ferizaj, 25.09.2019
Kryeshefi Ekzekutiv ________________
Xhabir Morina
KONKURS 26.09.2019